Б.Баабар
Цагаан сараар золговол жилдээ багтаж vхэх гэнэ. Золголтоо хорин дөрвөн цагаар зөрvvлж орхивол шvv дээ. Нарийн эд байгаа биз? Гэр бvлээрээ гайтай 24 цагийг нь зөрvvлж орхивол голомт нь цайрах аж.
Улсаараа ийм зөрvv гаргавал… еэ ванд лхам минь, аягvй бол дэлхий сөнөх бололтой. Энэ бvхнийг ягштал мэддэг хэд энэ талаар зурагтаар ярьж ард тvмнээ сэрэмжлvvлж байна. Хариуд нь шар улааныг тунаруулсан бvлгийнхэн гарч ирж зад эсэргvvцэв. Харин ч эхний хэдийн зааж өгсөн өдөр золговол гай барцад болох гэнэ. Vvнийг маш олон төрлийн шинжлэх ухаан баталсан аж. Шинжлэх ухаан ярьж байх хооронд нь Эйнштэйний нэр хэд хэдэн удаа хавчуулагдаад амжив.
Хvн төрөлхтөн хэдийнээс эхлэн цаг хугацааг тоолж эхэлсэн юм, бvv мэд. Лавтай эртний вавилон, ассир, шvмэр, египтчvvд өөр өөрийнхөөрөө тоолдог байж. Дvрсээ байнга өөрчилж байдгийн хувьд сар илvv баримжаатай байсан учраас сарны тоолол өргөн дэлгэрчээ. Гэхдээ сарны мөчлөг 29,5 хоног болохоор энэ хагас өдөр нь хоёр сарын дотор бvтэн хоногийн зөрvv болчих учраас засварын программ хэрэгтэй. Энэ засварыг газар газар янз бvрээр хийнэ. Иймээс сараар баримжаалсан хуанли иргэншил соёл бvрд өөр өөр байдаг аж. Нарны “засварын программ” тун ялимгvй. Гэхдээ л мянга гаруй жил өнгөрсний дараа бvтэн арав хоногоор зөрvv гарч байсан тул Юлианы хуанлийг дундад зууны vед Ромын пап Григорийн лvндэнгээр зассан учир “Григорийн хуанли” гэх нэр гарсан байна. Өнөөдөр бvх дэлхий даяараа энэ хуанлийг албан ёсоор хэрэглэдэг. Оросууд 1918 он хvртэл хуучин Юлианы календарьтай байсан учир Ленин vнэндээ ноябрь сард төрийн эргэлт зохион байгуулсан боловч тvvхэнд “октябрийн хувьсгал” нэрээр vлджээ.
Тоолол болгон зөв. Тоолол бол байгалийн хууль биш. Өдөр шөнө, өвөл зун болдог, дэлхий нарыг тойрдог, өөрийг нь сар тойрдог, энэ бvхэн өөрийн мөчлөгтэй нь байгалийн явдал. Нэгэнт хорвоо хvнд тохируулж орчдоггvй болохоор хvн өөртөө зориулж ойлгомжтой хялбар тоолол зохиохоос өөр аргагvй. Ингэхээр нар сар одны орчлыг тvшиглэж тоолол зохиох, баримтлах, цаг хугацааг хэмжих нь хvний явдал. Хvссэн хэн ч өөрийн тоолол шинээр зохиогоод гэртээ өөрөө мөрдөөд явж болно, гагцхvv бусадтай энэ хэмжvvрээрээ ярихаар л жаахан vл ойлголцол гарах байх. Иймээс бусдаар хvлээн зөвшөөрөгдсөн тоолол хэрэгтэй болно. Бидний метр гэж яриад байгаа нь Си системийн уртын хэмжvvр. Vvнийг тохойгоор хэмжсэн ч, фvтээр илэрхийлсэн ч, лигээр ярьсан ч зарчмын ялгаагvй. Биенд нь шилжvvлээд ойлгочихож болно. Нийтээр хvлээн зөвшөөрөгдөх асуудал нь харин янз янз. Өдгөө дэлхий даяараа албан ёсоор Си системийг хvлээн зөвшөөрсөн нь хоорондоо ойлголцох эвийг нь бодсон хэрэг. Ялгаагvй, та 38 размерийн гутал өмсдөг бол Си системээр 25, англи системээр зургаан номер болж орхино. Хэнийг нь буруу гэж хэлэх аргагvй, алийг нь ч шинжлэх ухааны аргаар буруутгах бололцоогvй. Цагийн тоолол ч адил. Хvсвэл шинэ оноо зун ч солилцуулж болно, намар ч тэмдэглэж болно. Хvний тvvхэнд ийм тохиолдол бишгvй нэг тохиосон. “Январь” гэдгийг өөр тооллын уламжлалтай бид нар л “нэгдvгээр сар” гээд нэрлэчихсэн болохоос цаанаа ийм утга байхгvй.
Тоололд харин тvvхэн утга бол бий. Зуунаар биш жарнаар тоолон жил болгонд амьтны нэр өгдөг уламжлал нvvдэлчдээс гарсан гэдэг. Тодорхой хэлбэл тvрэгvvд ийм юм бодож олжээ. Гэхдээ тухайн жилийг хулгана гэж нэрлэснээс болоод хулгана ихээр vржих, хvний амьдрал хулганыхтай төстэй болох зэрэг байгаллаг утга огт байхгvй. Зvгээр л цэвэр бэлгэдлийн чанартай. Хятадууд нэн эртнээс сарны тоолол хэрэглэдэг байсан, харин амьтнаар он жилийг бэлгэдэн нэрлэх ёс тэдэнд хожим шингэжээ. Хятад тооллыг монголчууд “шар зурхай” гэнэ. Манжийн мэдэлд байхдаа монголчууд албан ёсоор шар зурхайг дагадаг байв.
Харин 1747 онд Ишбалжир хэмээх гэлэн нэгэн тоолол зохиосныг “төгсбуянтын тоолол” гэнэ. Тэр vеийн монголчуудын төвлөрөл байсан Хөх нуур орчимд юм болов уу. Улаанбаатар энэ vед нvvж явсан учир Туулын хөвөөнөөс 300 гаруй км-ийн зайд байлаа. Гэлэн тоолол зохиохдоо Хятадын уламжлалт тооллын алгоритмыг өөрчилж, ердөө л өнөө 29.5 өдөр гэдгийн бутархайг шилжvvлж тооцохдоо “засварын программ”-ыг шинэчилжээ. Тэрээр битvvнд саргvй (сар алга болно гэж байхгvй л дээ, нартай хамт мандчихаар энгийн нvдэнд харагдахгvй байгаа хэрэг), харин 15-нд заавал тэргэл сартай байхаар тооцсон учир vvндээ баригдаад зарим өдөр давхцана, зарим нь алгасна. Ингэхээр бичиг цаас тооцоо энэ тэр гэхгvй календарийн баримжаа шууд тэнгэр дээр гараад ирдэг учир нvvдэлчдэд нэн тохиромжтой байсан бололтой. Битvvн, арван таван гэсэн ойлголт хятад тоололд vгvй. Бичиж vлдээсэн судартаа “тэрслvvдийн зурхай одондоо мэргэн тул авч хэрэглэв” гэж тодотгожээ. Энэ нь сарны хөдөлгөөнийг байрлах одоор нь тодорхойлох лалын тооллын аргыг оруулав гэсэн санаа. Тэрслvvд гэдэг нь лал гэсэн төвд vгийн орчуулга. Лалынхан астрологиос эхлээд астроном хvртэл маш сайн судалсан уламжлалтай. Манж Хятадын эзэрхийллийг эсэргvvцсэн бэлгэдэл нь хийгээд илvv дутуу тооцоо байхгvй шууд тэнгэр хараад хэлж болдог практик ач холбогдлоосоо болоод монгол ардууд өргөнөөр хэрэглэж эхэллээ. Энэ нь Хятадын цагаан сараас заримдаа нэг өдрөөр, заримдаа нэг сараар зөрнө. Ингээд “Монголын цагаан сар” гэсэн шинэ нэр гарчээ. Манай цагаан сар Хятадынхаас арай өөр гэсэн санаа. Ингэхээр Тэрбишийн зурхай гэж байхгvй, Ишбалжирын зохиосон Төгсбуянтын тоолол л гэж бий. Шинжлэх ухааны академиас ХХI зууны турш энэ тоолол Григорийн тоололтой яаж таарч байгааг vзvvлсэн хvснэгтэн ном гаргасан юм. Vvнийг жил бvр шинээр тогтоох хэрэг байхгvй, хvсвэл ХХХ зуун дуустал, бvр цаашлуулаад ч хvснэгтлээд гаргасан ч болно. Залхуурахгvй бол та гэртээ сууж байгаад 4008 он хvртэлх календарь бvтээж болно, ингэлээ гээд таныг хэн ч профессор доктор гэхгvй. Vvнтэй яг л ижил юм хийсэн буюу хийх гэж санаархагчид өөрсдийгөө цоллодог нь харин сонин. Григорийн тоололд дөрвөн жил тутамд нэг хоног нэмдэг засварын программтай. Лалын, Хятадын, Монголын, Маяагийн, инкын календариудын алгоритм нь өөр учир засварын программууд нь бас зөрvvтэй.
1911 онд Монгол Улс тусгаар тогтнолоо зарлалаа. Төгсбуянтын зурхайг албан ёсоор хэрэглэж байх Богд хааны лvндэн буув. Харин 1915 оны Хиагтын Гурван улсын хэлэлцээнд энэ тоолол бөөн маргаан vvсгэжээ. Хятадууд Монголын нийслэл, Монголын хаан, монгол тоолол гэсэн гурван зvйл дээр тас эсэргvvцэж Хятадынхыг дагахыг шаардаж байв. Эцэст нь хааныг орос хэлээр “повелитель” гэж байхаар тогтов. Тэд мөн Төгсбуянтын тооллыг тас эсэргvvцэж өөрсдийн шар зурхайг дагахыг шаардав. Энэ удаа монголчууд ялж монгол тооллоо Гадаад Монголд албан ёсны байлгахаар болов. Гэвч гэрээний эх барих хувилбар болох франц хувь дээр монгол тооллыг зориуд орхигдуулсан байсан юм. 1921 оны долдугаар сард Ардын засгаас Төгсбуянтыг тооллыг баримтлах тогтоол гаргалаа. 1924 онд Бvгд найрамдах улс болоод оныг “олноо өргөгдсөний” гэж байсныг “Монгол Улсын төд дvгээр он” гэж нэрлэж байхаар болов. Монгол Улсын тоолол болон Төгсбуянтын хуанли нь Григорийн тоололд орсон 1940 он хvртэл албан ёсоор мөрдөгддөг байжээ. 1944 онд Гандан хийдийг дахин сэргээхэд тооллыг Төгсбуянтынхаар явуулж байх шийдвэр гарсан байдаг. Ингэхээр Төгсбуянтын хуанли нь зөв буруутайдаа биш, тусгаар тогтнолын утгатай ажгуу. Аль ч тоолол шинжлэх ухааны утгаараа буруу байдаггvй учраас Төгсбуянтын хуанлид гажууд юм юу ч байхгvй. Сарны тооллоор явдаг хятадынх, лалынх, инк нарынхаас зөрдөг vv гэвэл зөрнө. Яг л төө, фvт, дициметр хоорондоо зөрдөг шиг. Тэгээд яачихаав, биенд нь шилжvvлээд л ойлгочихно шvv дээ! Гол нь энэ бол Монголынх. Эцэг өвгөд маань зориуд Хятадынхаас зөрvvлсэн юм. Тусгаар тогтнолын төлөө тэмцэгчид маань энэ зөрvvг нь баримталж олон улсын гэрээ хэлэлцээрт зvтгэж байж оруулсан юм. Соёмбо шиг л тусгаар тогтнолын маань бэлэг тэмдэг. Хэдийгээр бид албан ёсоор Григорийн тоолол баримталдаг ч цагаан сар болон зарим өдрийг тэмдэглэхийн тулд хуучин тоолол хэрэг болдог. Чухам ямар тоолол баримтлахыг төрөөс 1911, 1921, 1924, 1944 онуудад хоёргvй нэг утгаар зааж өгчээ.
Өдөр гаригт сайн муу гэж байдаггvй. Ингэж ярьдаг нь хятадууд дөрвийн тооноос, монголчууд долоогоос, европынхон арвангурваас цэрэвдэг шиг мухар сvсгийн угшилтай цэвэр бэлгэдлийн утгатай. Тэр дундаа vсээ засуулдаг, найр хийдэг, мал гаргахад муу гэх мэтийн утга санаа өдрvvдэд огт байхгvй. Vvнийг зөвхөн зурхайчид л зохиодог юм. Зурхайч, янхан хоёр бол дэлхийн хамгийн уугуул мэргэжил. Од сар харж байгаад юм зохиож хэлэн хvний сэтгэл vймvvлэн хэдэн мөнгийг нь салгадаг этгээдvvд аль дивангарын vед байжээ. Тэднийг Европ зvгт астрологичид гэнэ. Тэдний дунд зах зээлийн хvчтэй өрсөлдөөн байсан учир од гаригийн хөдөлгөөнийг их сонирхдог, судалдаг, тэмдэглэдэг байлаа. Энэхvv уран панаал нь хожим астрономын шинжлэх ухаан vvсэхэд ихээхэн тус болсныг хэлэх нь зvйтэй. Химийн шинжлэх ухаан буй болоход альхимичид хэмээх жатга vзvvлж хvн хуурагчид их тус болсонтой адил юм. Химийн ухаан буй болсноор альхимичдийг тоохоо больсны нэгэн адил астрономын ухаан хөгжсөнөөр астрологичид зvй ёсоор тэтгэвэрт гарсан юм. Зурхай ч, альхими ч шинжлэх ухаан огтоос биш.
Гэвч, хэдийгээр XXI зуун гарсан боловч буурай хоцрогдсон газар зурхайчид амь бөхтэй оршсоор төдийгvй орлого олз арвинтай байсаар. Энэ бол нийгмийн хоцрогдол дээр суурилан паразитлаж амьдардаг ядарсан бизнес юм. Зурхай нь тоолол зохиох болон баримтлахаас шал өөр утгатай. Энэ нь тэнгэр гариг эрхсээс болж хvний хувь заяа хэрхэн өөрчлөгдөхийг мэргэлж өгдөг, тvvгээрээ календарь, хvснэгт зохиогоод зардаг золигийн заль мэх л дээ. Өнгөрснийг мэддэг хvн тааралддаг гэдэг. Vvнийг шинжлэх ухаан тайлбарлаж чаддаггvй. Өнгөрсөн юм ямар нэг долгион ч юм уу, vлдээдгийг хэдэн сая тохиолдолд зарим нэг увидастай хvн мэдэрч чаддаг байж магадгvй гэж ярьдаг. Тун ховор тохиолдох ийм увидас Монголоор дvvрэн байна гэдэг бол харин итгэхийн аргагvй хэрэг. Тэгээд ч туйлдаа хvртэл хөгжсөн шинжлэх ухааны бяд дутаж байхад хагас бичигтэй улаан шараар эрээлж гоёсон луйварчин юугаа мэдэх билээ дээ. Ирээдvйг бол урьдчилж мэдэх ямар ч боломжгvй. Шинжлэх ухааны прогнозлох арга зvйг энд хэлээгvй нь мэдээж. Од гаригийн орчил хөдөлгөөн хvний хувь заяанд нөлөөлдөг байж болох ч vvнийг урьдчилан тооцоолох боломж vгvй аж. Vvнийг “Хайзэнбэргийн тодорхойгvйн зарчим” гэнэ. ХХ зууны гурван том нээлтийн нэг гэгддэг. Хайзэнбэрг vvнийг электроны байршил дээр баталсан боловч тvгээмэл шинжтэй юм.
Төгсбуянтын тооллоор өнөөдөр төдний өдөр, энэ нь шар зурхайн төдний өдөртэй таарна, лалын тооллоор ийм өдөр болно, энэ бvхэн нь Григорийн буюу нийтийн тооллоор ийм өдөр болой гэх бол нэг хэрэг. Энэ бол хятадаар хуанли, европоор календарь хэмээх цаг тооны бичиглэл. Энэ өдөр бол хар өдөр, vсээ засуулж болно, айл ухвал баригдахгvй, эхнэрээ зодох нь зvйтэй, учир нь нар сарны хөдөлгөөн таарч сугар гаригтай явалдаж улаан нохой одтой таарч байна гэх мэт бол зурхай. Vvнд нь итгэдэг ард тvмнийг өнөөгийн хэлээр хоцрогдсон бvдvvлэг гэдэг аж. Ийм мэргэ төлөг хөгжингvй орнууд ч элбэг. Гэхдээ vvнд нь ард тvмнээрээ итгэж баримталдаггvй, илvvтэй зугааны шинжтэй байдаг. Зурхайчид юу ч гэж тууж магадгvй, дээр нь их олуулаа учир хоорондоо их зөрvvтэй. Зах зээлээ булаацалдаж маргаж хэрэлдэх нь сvvлийн хориод жилд Монголд бvр гаарсан vзэгдэл боллоо. Сvvлдээ хvн амьтныг vхнэ хатна гэж сvрдvvлдэг болоо шив дээ. Ухаан нь 2008 оны ердийн календарь дээр өдөр хоногуудыг бөөсөө алдаггvй өдөр, аянд явдаг өдөр, хурьцал тэвчих өдөр гээд биччихсэн байвал хэн ч гайхаж таарна. Яахаараа монгол тооллын календарь дээр зурхайчид ийм мангар юм биччихээр гайхах байтугай шvтээд байдаг байнаа? Хонины арьс нөмөрсөн чоно гэгчээр ичих ч vгvй шинжлэх ухааны нэр, цаашлаад Чингэс хааны нэрийг барихыг нь яана! Аргын тооллоор календарь гаргадаг компаниуд өнгө vзэмж зураг хөргөөрөө өрсөлддөг. Билгийн тооллын хуанли vйлдвэрлэгчид хоорондын тоогоо зөрvvлэхээс гадна хvний өдөр судрыг мэргэлж өдөр хоногийг сайн муугаар нь ялгаж, хvний сэтгэл рvv юм хийж өрсөлдөнө. Эцсийн бөлөгт цаг тооллын аль системийг баримтлах тухай асуудал байгаа юм биш, зах зээлд борлогдох vйлтэй 200 орчим сая төгрөгийн мэргэ төлгийн эзэн хэн болох тухайд л зодоон цохио болоод буй хэрэг шvv дээ. Ингэж билгийн цагаан сарыг хэрvvлийн хар нулимс болгож хувиргана.
Зурхай юутай ч буддын шашинтай ямар ч хамаагvй эд. Будда өөрөө сургахдаа “хvний хувь төөргийг сарны тохиол, од мичдийн хөдөлгөөнөөр мэргэлж тааварлахыг эгнэгт цээрлэвэл зохилтой” гэжээ. 2500 жилийн өмнө Энэтхэгт одоогийнхоос цөөнгvй зурхайч - луйварчид байсан бололтой. Чанарын биш гэхэд тоон утгаараа дэлхийн хамгийн боловсролтой орон гэх монголчууд бичиг vсэгтэй нь эргэлзээтэй, ядахнаа хvзvvгээ угаагаад хумсаа авчихдаггvй мөртөө бурхан буг эйнштэйн вангагийн нэр барьсан өвчтэй солиотой, зальтай хомхой сувьдаг тэнэг юмнуудыг дэмжин мөнгө төгрөгөөр тэтгэж явааг юу ч гэж тайлбарлах юм билээ дээ? “Өдөр цаг бvхэн өлзий буян, од гариг бvхэн онцгой сайн, муу сэтгэлээ ялагч бvхэн зовлонгvй, мунхгийн нойроос сэрэгч бvхэн чадал төгөлдөр” гэж Будда сургасан нь “Найман гэгээ” сударт бий. Энэ судрыг сургаар ишлэн худал цуурах зурхайч нарт тийм л их мөнгө хэрэгтэй юм бол та нэг сайхан санал тавиач. Юу гэхээр календарь зарж хэдэн цаас цуглуулах гэж зовж яс булаацалдсан нохой шиг хоорондоо архиралцаж байхаар казинод очиж ямар тоо гарахыг нь шууд хэлээд л баяжаач. Эсвэл Бэн Ладэний нуугдсан газрыг хэлж өгвөл 50 сая доллар өгнө гэж америкчууд амлаад байна шvv дээ, цаана чинь.